Füta trawun walmapu ülkantun ñi küla sungu tripai Pudahuel meu

Pudahuel, Santiago de Chile, mari meli trekan amulu rupan antü tripai tüfa chi küme sungu “proyecto cultural sur” pingelu filken mapu meu ta tripai fentren che meli antü mu walkenple nentuigün ñi sungu .

Chile meu mülei meli witran mapu femgechi tripai fau, kakel lof  ka waria meu mülei Chilkatuwe Santa Isabel de Hungria, Cisterna lof meu pu chilkatufe regle ka purrarankin mülelu ñi kimün mu nentuigün tañi kume ülkantun femngechi yekeigün Tañi rakiduam filke küzaw meu ka aznentu nefuigün .Ka kiñe chilkatuwe Santa Familia Estación Central lof meu mülelu feimeu ka tripai kümeke sungu pu chilkatufe ka pu kimeltuchefe trawuigün ñi sungual engün.

Lemu Bustamante ka Providencia lof meu fentren che trawüi ñi ülkantullal. Batuco lof meu fentren che trawüi. Universidad de los Lagos Valparaíso waria meu ka fentren che nentuigün ñi sungu .Kiñe amunsuguwe pinar pinguelu mülei La Serena waria meufentren che ka sungui , zoy  kullifalai 19% chilcatukun mu fau Chile meu femgechi ta tukungeai feich sungu wirriwe yengu. Pudahuel lof meu afüi tufa chi sungu “küla trawun wallmapu sungu” pingelu , proyecto cultural sur feimeu ta küme pulku chileno mülefui femgechi ta Hugo Salas mañumüi ñi puke witran , fentren karükatü trawuigün ñi alküal, küme sungu ka kume ülkantun mapuche kimün ta mülelu filke mapa meu.

Fau ta sungüi Verónica Contreras Olmedo . Akui tüfa chi warria meu ñi chilkatuyal Universidad de Chile ,ñi tuwun ta muley México meu,Kümei tüfa chi sungu chef ta kullikelai che ñi alküam feipüi chi actriz .

Fentren falüi kom chi chilkatukun ka pitui fei meu ta ñgillakelai che.

Maria Inés Huenuñir Antihuala fentren peuman meu müpükey welu Pudahuel meu petu kimgengelay “amuayin chilkatuwe meu femgechi ta kom pu pichikeche alküaigün ka kimaigün inchiñ taiñ piam kisu engün ka llomülneigün kizu tañi rakiduam” ti chilkatufe Hugo Salas ñizol tulelu Centro Social y Cultural “trawün newen” nentui ñi sungu. Iño pegengeai küme fëñ mapuche tañi rüpü meu kume trekaleayiñ feipikei Lucy Ortiz kümeke piam lalai rumelma ta mogen kleai feipüi küñe zomo ülkantufe antüliwen. Küñe weche wentru ka ülkantui Mari meli tripantü nefui Javier Sarabia Fernández rok ta nentui , welu fau kom che ta zungukei , nentukei ñi küzaw kañi rakiduam fei püi chi wechewentru.